Со жалост и длабока тага сакаме да ја известиме јавноста дека денеска, 19.08.2017 година, на 74 годишна возраст почина Ристо Пеов, сопственик на хотелите Епинал во Битола, хотел Бистра во Маврово, спортскиот ресорт и ски центарот во Маврово.

Пеов е роден во 1943 годинаво село Бапчор, егејска Македонија.

Комеморацијата ќе се изврши в понеделник, во 14 часот, во хотелот Епинал во Битола.

Ристо Пеов е еден од првите повратници од дијаспората од Австралија, кој во родната Македонија се врати во 1992 година. Тој беше инвеститор во угостителството, почнувајќи со Ле Гранд казината во Скопје и Битола, а потоа и во хотелите во  Маврово и Битола. Пеов го развиваше спортскиот и ски центар во Маврово. Важеше за влијателен и амбициозен бизнисмен со визија за развојот на туризмот и угостителството во Македонија.