56-годишна жена со тешки повреди по удар од автомобил

На 05.09.2017 година во 19,10 часот во Битола на бул.„ 1-ви Мај“ се случила сообраќајна незгода во која патничко моторно возило „Опел Корса“ со битолски регистерски таблички, управувано од Д.Д. (71) удрило во пешакот М.Р. (56) од Битола.

Во незгодата М.Р. се здобила со тешки телесни повреди и истата била пренесена и задржана на лекување во Клиничката болница-Битола. Увид на местото на настанот извршила увидна екипа од СВР-Битола. Се работи на целосно расчистување на случајот.