Категорија: Македонија

Прва форумска сесија за планирање од програмата Форуми во заедницата-буџетски форум во Новаци

Прочитај повеќе

ПУШТЕНИ ВО УПОТРЕБА ПАТОТ ЗА СЕЛО ЛАВЦИ И ПОВЕЌЕНАМЕНСКО ИГРАЛИШТЕ

Министерот за информатичко општество и администрација Иво Ивановски и гррадоначалникотна општина Битола  го пуштија во употреба реконструираниот, проширен и рехабилитиран локален пат кон селото Лавци и новото повеќенаменско спортско игралиште во ОУ „Даме Груев“-Битола.

Новиот асфалтен пат е во должина од 758 метри, инвестиција финансирана со средства што Владата ги обезбеди од Европската банка и во соработка со општина Битола, рече министерот Ивановски на промотивниот настан во овој град.

„Новиот пат е изграден со заеднички средства на Владата на Република Македонија и општина Битола. Жителите на Лавци овој пат го бараа подолго време и затоа беше составен дел на владината и општинската програма на градоначалникот Талески. Владата обезбеди 5,5 милиони денари, а останатите 2,3 милиони денари ги обезбеди општината. Секогаш кога општините, градоначалниците, имаат добри проекти, тогаш Владата излегува во пресрет и помага со цел да се развие патната инфраструктура во Република Македонија, а со тоа и економијата бидејќи инфраструктурата е еден од најзначајните сегменти за развој на економијата во урбана или рурална средина“, рече министерот Ивановски.

Министерот за информатичко општество и администрација Иво Ивановски, во придружба на директорот на Агенцијата за млади и спорт Марјан Спасески и градоначалникот Владимир Талески, денес во основното училиште „Даме Груев“ го пуштија во употреба и новото повеќенаменско спортско игралиште.

„Во ова училиште изучиле и врвни спортисти, познати фудбалски легенди кои израснале во ОУ „Даме Груев“, а настапувале и за државната репрезентација. Време беше да се направи модерно повеќенамснко игралиште, а во Битола ќе се градат и други вакви објекти бидејќи заложбите на Владата се да им се овозможи на младите повеќе да тренираат, да водат здрав живот и да имаме наши амбасадори кои преку спортот ќе ја претставуваат Република Македонија во светот“ рече Ивановски.

Повеќенаменското спортско игралиште во ОУ „Даме Груев“-Битола е во рамките на проектот на Владата на Република Македонија за „Изградба на 100 повеќенаменски спортски игралишта“ кој го реализираат Агенцијата за млади и спорт и локалните самоуправи, и е 19-то по ред целосно изградено игралиште, а наскоро свечено во употреба ќе бидат предадени уште 35 повеќенаменски спортски терени низ државата, потври Марјан Спасески, директор на Агенцијата за спорт и млади.

Во општина Битола во завршна фаза е изградбата на 3 тениски терени, а до крајот на 2018 година во градот ќе бидат изградени уште 4 тениски терени со што ќе биде заокружен процесот на изградба на капитални спортски терени во оваа локална самоуправа.

„Со владината, и поддршката на Агенцијата за спорт и млади, нашата програма е проширена и надградена. Во изминатиот период во општина Битола изградени се над 20 спортски терени, 3 спортски сали, тениски терени и интервенции врз помошниот и градскиот фудбалски стадион. Најновиот проект, повеќенаменското спортско игралиште е голема придобивка, и за мене носталгично навраќање на времето кога тука учев и кога ги немавме потребните услови за спортување како што тоа сега го имаат денешните генерации, и затоа им помагаме да се развиваат, едуцираат и да постигнат врвни спортски резултати“, рече градоначалникот на општина Битола, д-р Владимир Талески.

Две нови изданија на Савевски продукција

Прочитај повеќе

ДОДЕЛЕНИ ЧЕТВРТОНОЕМВРИСКИТЕ НАГРАДИ

Прочитај повеќе

ПОТПИШАН ДОГОВОР ЗА СОРАБОТКА МЕЃУ ОПШТИНА БИТОЛА И ГРАДОТ НИНГБО

Прочитај повеќе

За нас се работи!!!

Една е Битола, опеана во најубавите изворни македонски песни, град на културата, убавината, градот на клавирите и конзулите, Битола која некогаш и блескаше со сиот свој сјај, се соочува со катастрофални податоци.

Загрижувачки се фактите за статистиката на заболени од карцином, која е во постојан пораст, зголемениот број на пациенти од белодробни загадувања, кои не прашуваат за пол, а ниту за возраст. Во прегратките на најубавата Баба планина, наместо некогашната блескава снегулка, сега спие град обвиткан со густа магла, чад и огромна концентрација на отровни честички, кои според податоците на Министерството за животна средина, Битола ја сместуваат во град-лидер по загаденост, која некогаш достигнува и до 20 пати повеќе од дозволената граница. Сите овие поразителни податоци, нѐ поттикнуваат да се запрашаме: Каков воздух дишеме?!

Домаќинствата кои се греат на дрва, автомобилите, електраните, индустриските капацитети, кој е најголемиот виновник?! Официјалните податоци говорат дека  најголемиот произведувач на струја, но и емитувач на тешки метали во државата – „РЕК Битола“, е загадувач број еден на територијата на цела Македонија.

Овие факти, впрочем и претставуваа огромен поттик за група млади битолчани да ја покренат иницијативата “БИТОЛА САКА ЧИСТ ВОЗДУХ”, со која на социјалните мрежи добија поддршка од преку 11 илјади поддржувачи. Иако, патот е трнлив и долг, иницијаторите на групата, чекор по чекор, следејќи ги законските норми и прописи, преку институциите на системот објавија војна на загадувачите на воздухот во Битола, прераснувајќи во здружение на граѓани кое ќе слави роденден заедно со градот Битола. Имено, на ден 4ти ноември ќе се отвори канцеларијата на здружението, која ќе има за цел да воспостави линк на граѓаните и институциите, со цел: подобрување на квалитетот на живот и алармирање на надлежните за придржување кон законските мерки. Главните дејства на здружението ќе бидат насочени кон следните цели:

  • Поставување на мерна станица во централното градско подрачје;
  • Детектирање и санкционирање на аеро-загадувачите;
  • Доведување на квалитетот на воздухот, до граници на дозволеното.

Здружението на граѓани, со своите активности  ќе започне на ден 4ти ноември од 12 часот кога ќе положи цвеќе пред мерната станица која подолго време не функционира, кој симболизира споменик на екологијата со краток говор.

16:00 отворање на канцеларијата на здружението “ЗА НАС СЕ РАБОТИ”, со пригоден коктел

18:00 музички настан кој ќе претставува вовед на масовниот собир на граѓаните кои ќе ја поддржат иницијативата.

18:45 ГОЛЕМ ПРОТЕСТЕН МАРШ од платото на споменикот на СТИВ НАУМОВ кај Офицерскиот дом, со поворка која ќе се движи до  Центарот на културата, каде што ќе се одржува манифестација за одбележување на локалниот празник-4ти ноември.

Маршот ќе има за цел да го насочи вниманието на надлежните за покренување на иницијативи и законски мерки за справување со алармантната ситуација со загадениот воздух.

Ако некогаш Битола се избори за својата независност, денес историјата се повторува. Граѓаните уште еднаш ќе имаат можност да се изборат за тоа што го заслужуваат, елементарното право на чист воздух. Масовното присуство и поддршката на оваа иницијатива, подразбира прикажување на голема свест за сопственото здравје, за сопствените можности и права и превземање на чекори кои подразбираат потрага, но и пронаоѓање на решението на основниот и најголем проблем –здравствениот, кој ги засега сите, без исклучок.

Токму затоа, ја користиме приликата да се заблагодариме на иницијаторите за храброста, посветеноста и големата енергија за она од кое сите ќе имаме бенефит- ЧИСТИОТ ВОЗДУХ- ние и нашите најблиски го заслужуваме.

Момци, само напред, ја имате нашата поддршка оти ЗА НАС СЕ РАБОТИ. БИТОЛА ЗАСЛУЖУВА И МОРА ДА ИМА ЧИСТ ВОЗДУХ!

Се гледаме на 4ти ноември, пред платото на споменикот на Стив Наумов, кај Офицерски дом!