Министерството за внатрешни работи денеска потврди дека во понеделник вечер од Американската амбасада во Скопје било пријавено дека има сомнително возило на паркингот на Амбасадата.

Како што информираа од МВР, нивна екипа веднаш е пратена на терен при што е направена проверка на возилото, но не е најдено ништо сомнително.

Возилото, како што велат од МВР, е земено на понатамошна проверка.

Во понеделникот, Амбасадата на САД во Скопје објави на социјалните мрежи дека телефонските линии им се во прекин.

„Телефонските линии на амбасадата во моментот не се оперативни. Доколку ви е итно и имате потреба од помош, контактирајте го Оперативниот центaр на американскиот Стејт департмент на +1­202­647­1512“, наведе Амбасадата на САД во објавата на Твитер.