Поранешниот хрватски ракометен репрезентативец, голман на Веспрем, Мирко Алиловиќ, поради тешка болест, ја заврши сезоната.

На хрватскиот репрезентативец, Алиловиќ, во средата, му била дијагностицирана тромбоза под коленото, а веста дека за него сезоната е завршена ја објави неговиот клуб. Алиловиќ, како што објави „index.hr“, веќе се вратил дома и наредната недела ќе започне со лекувањето, кое треба да ја подобри неговата здравствена состојба.

Инаку, Алиловиќ, оваа година се повлече од репрезентацијата и реши да им се посвети само на настапите во неговиот клуб Веспрем.