Фудбалерите на Сиетл Саундерс ја освоија титулата во американската МЛС лига. Сиетл до првата титула во клупската историја дојде по триумфот на пенали над Торонто.

Торонто и Сиетл во регуларниот дел и по продолженијата не успеаја да постигнат гол, а во пенал серијата гостите славеа 5:4. Пенали во тимот на Торонто промашија Бредли и Мороу, а за Сиетл Фернандез. Победничкиот пенал го реализира Торес во шестата серија.

Сиетл оствари голем успех бидејќи во регуларниот дел од сезоната го освои четвртото место во Западната конференција, а до финалето на плеј офот стигна откако победи на четири од петте натпревари против конкурентите Канзас, Далас и Колорадо.

На тронот Сиетл го наследи Портланд кој оваа сезона не успеа да се пласира во разигурвањето за титулата.