Пиштолот од кој францускиот поет Пол Верлен го рани својот љубовник, поетот Артур Рембо во јули 1873 година во Брисел, е продаден на аукција во Париз за 434.500 евра.

„Пиштолот е продаден за 434.500 евра, вклучувајќи ги и трошоците“, изјави во среда вечер за Франс прес неименуван портпарол на аукциската куќа „Кристи“.

Оружјето од марката „лефошо“, кое тогаш било популарно, има дрвена дршка и шаржер за шест куршуми со калибар од седум милиметри.

Аукциската куќа веруваше дека пиштолот ќе биде продаден за 50 до 60 илјади евра.

Купецот чиј идентитет не е соопштен, лицитирал преку телефон. Родниот град на Рембо, се откажа од купување откако цената се покачи за време на лицитацијата.