Категорија: Култура

ТВ СЕРИЈАТА „СЕНКИ НАД БАЛКАНОТ“ ПРЕМИЕРНО НА МРТ 1

Најновата продукција на Скопје Филм Студио, ТВ серијата „Сенки над Балканот“, почнува да се прикажува оваа недела, петти ноември, на првиот канал на Македонската радио телевизија со почеток од 20.45 часот.

Серијата ќе се прикажува секоја недела а репризно ќе се емитува секоја сабота. ТВ серијата „Сенки над Балканот“ е историски трилер со дејствија кои што се одвиваат на почетокот на 20-от век главно во Белград и опфаќа дел од историско-политичките случувања од тој период во Македонија.

Гледано од драматуршки, режисерски и естетски аспект, оваа серија, спакувана на високо продукциско и уметничко ниво, прави голем пресврт и храбар чекор напред нудејќи освежување на актуелната понуда кај нас со нешто сосема ново и налик на играните серии на HBO и Netflix. Серијата по концепт и во режија на Драган Бјелогриќ е меѓународна копродукција помеѓу Кобра Филм – Србија, Скопје Филм Студио – Македонија и Искра – Русија. Како копродуценти на серијалот со свое учество се вклучија и Радиотелевизија Србија, Радиотелевизија Република Српска и Македонската радиотелевизија, а истата е финансиски поддржана од страна на Агенцијата за филм на Република Македонија.

Останата авторска екипа ја сочинуваат: директор на фотографија Иван Костиќ, сценограф Горан Јоксимовиќ, костимограф Борис Чакширан, шминка Дубравка Вуксановиќ, монтажата е на Лазар Предојев, а музиката на Мањифико. Режисер на осмата епизода која главно се снимаше во Битола и околината е Игор Иванов. Улогите во серијата ги толкува плејада на актери, меѓу кои Драган Бјелогрлиќ, Андрија Кузмановиќ, Марија Бергам, Горан Борган, Гордан Кичиќ, Ненад Јездиќ, Aлексеј Солончев, а од Македонија играат: Петар Арсовски, Тони Михајловски, Јана Стојановска, Аксел Мехмет, Никола Ристановски, Петар Мирчевски и Дениз Абдула.

Снимањето на серијата започна во октомври минатата година, а заврши летово и се одвиваше на локации во Србија и филмското студио Бaранда, а во Македонија – Манастирот Рождество на Пресвета Богородица село Сливница, во селото Буково, битолско и околината на мариовското село Скочивир. „Сенки над Балканот“ беше промовирана на 23. Сараевски Филмски Фестивал, Филмските средби во Ниш, 38. Интернационален Фестивал на Филмска Камера „Браќа Манаки“ и 2. Интернационален филмски фестивал КИНЕНОВА. Серијата веќе се прикажува во Србија, Црна Гора, Босна и Херцеговина. Првата епизода во Србија достигна гледаност од 2.123.000 милиони гледачи.

СО ШИРОК СОКАК ВО БЕЛО ВО САБОТА ЗАВРШУВА БИТОЛСКОТО КУЛТУРНО ЛЕТО БИТ ФЕСТ

Прочитај повеќе

ВИДЕО: „БИТОЛСКИТЕ КАФИЧИ НИЗ ВРЕМЕТО“ – ДОКУМЕНТАРЕН ФИЛМ

Прочитај повеќе

Забрањено пушење и Conquering Lion – главни ѕвезди на фестивалот Битола отворен град 2017

Оваа година главни ѕвезди на големата сцена на Широк Сокак во рамките на фестивалот “Битола Отворен град 2017” се култниот сараевски рок бенд “Забрањено пушење” и  македонските реге предводници “Conquering Lion”. 

Двете групи ќе настапат во среда на 28 јуни, со почеток во 21 часот на Широк сокак во Битола, во рамките на главниот музички хепенинг на фестивалот, во организација на Младинскиот културен центар-Битола.

Со гостувањето во рамките на овој меѓународен фестивал “Забрањено пушење”, премиерно настапуваат во Битола. Публиката, која традиционално во голем број го посетува фестивалот, ќе има можност да го проследи настапот на овој реномиран бенд формиран во 1980 година од неколку сараевски гимназијалци. Нивниот прв албум е издаден во 3.000 примероци, но заради преголем интерес е реиздаден и продаден во дури 100.000 примероци. Во 1984 година, групата за прв пат тргна на голема турнеја низ тогашна Југославија по што стана една од најголемите брзорастечки југословенски музички атракции.

Низ годините оригиналните членови заминуваа, а на нивно место доаѓаа нови, но “Забрањено пушење” беше и остана еден од најголемите бендови на Балканот. Нивните концерти ги посетува бројна публика, а нивните албуми се продаваат во тираж од стотици илјади примероци. Досега имаат снимено девет студиски албуми. Со нивните експлозивни настапи, легендарните “Забрањено пушење” одамна го носат епитетот на бенд кој што мора да се види во живо.

Македонскиот реге бенд “Conquering Lion” годинава одбележува 10 годишно успешно егзистирање на музичката сцена низ годините стекнувајќи голема популарност и на европската музичка сцена. Љубов, мир и разбирање е пораката која веќе една деценија ја пренесуваат преку реге музиката во која вметнуваат и модернистички елементи, комбинираат фанк и хип хоп.

Досега имаат настапувано со големи реге имиња како што “Gentleman”, Ras Zacharri, Donald Minott, Hornsman Coyote и други. Во фокусот на публиката во моментот е нивниот најнов, четврт по ред, студиски албум “Land of confusion”. Албумот содржи девет песни во комбинација на жанровите реге, њу рутс и даб.

Сите настани на фестивалот “Битола отворен град” ќе се одвиваат на отворено и без влезници, со што енергијата на  “Забрањено пушење” и  “Conquering Lion” ќе стигне до поширока публика. 

Фестивал на Монодрама Битола

19-тиот по ред, Интернационален фестивал на монодрама Битола, започнува на 5 мај и ќе трае до 9 мај. На фестивалот, кој е од натпреварувачки карактер, учество ќе земат монодрами од повеќе земји меѓу кои: Германија, Естонија, Хрватска, Полска, Холандија, Русија, Словенија, Израел и Македонија.

Фестивалот ќе биде отворен со претставата „Брачна игра“ на авторот Едвард Олби. Режијата е на Тони Михајловски, а играат Весна Петрушевска и Игор Џамбазов.

Наградата Гран-при ќе ја додели интернационалното жири во чиј состав се:актерот и професор Атила Клинче, театрологот Нина Мазур од Германија, актерката Паулет Смит од Холандија, Игор Џамбазов и претседателот на жирито, драматургот, професор и колумнист Емре Ердем од Турција.

Селектор на фестивалот е актерот Петар Мирчевски.

Фестивалот ќе биде затворен со Концертот на театарска музика на композиторот Горан Трајковски, насловен „На светов убавина“.

И оваа година, Министерството за култура го поддржа Фестивалот на монодрама Битола.

Битолскиот театар со огромен успех гостуваше во Санкт Петербург

Прочитај повеќе